Бакнеж

Во чест на светскиот ден на бакнежот ги напишав следниве стихови. Пријатно читање!

Петре кога ја љубел Дениција

станувал единствен сведок

за бакнежот меѓу металот и громот,

Нина Спирова пее за „еден бакнеж песни рој“,

а јас велам дека тој е тивок на душите спој.

Владо пее „за еден бакнеж и магија се стори“,

тогаш песните оживуваат, сетилата танцуваат.

Тоше пееше за нејзините бакнежи

на неговите бели кошули,

та тој им остана должен илјадници бакнежи,

на неговата љубов, на сите што ги сакаше.

Бакнеж е средба на две души,

кога усните се спојуваат во заеднички ритам

срцата куцаат како едно,

а вие дишете во исто темпо,

кога очите се затвараат спонтано,

сè што гледаш е топлина,

како да вкусуваш нектар

од изворот на привлекување,

и разменувате вкусни сокови

исполнувајќи им желба на копнежите,

пламтат страстите жедни

за напојување

за изворот да не пресуши.

Сигурно е излезен од рајот,

невербална комуникација

кога сè си кажал,

а збор не си изустил.

Како топол здив

што го носи летното ветре,

како најнежен допир,

памучен, свилен, кадифен.

За добредојде, за збогум,

за болка, за среќа, за тага, за заштита

на чело за почит,

на образ за пријателство,

на усни за љубов.

Детски, љубовен, мајчински.

За покажување нежност,

за кажување сè што не се објаснува,

сè она што душата го чувствува,

но не може да најде збор,

го ткае преку бакнеж.

Како сончев зрак

што гори во полн сјај

врел, светол, енергичен.

Како лажица мед

во чаша млеко,

вкусно, благо, хранливо.

Оти бакнежот е душевна храна,

и лек за секоја невидлива рана,

оти тој е решение за секоја љубовна загатка

и круна на секоја прегратка.

Наталија Наумовска

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Google photo

You are commenting using your Google account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

Connecting to %s

This site uses Akismet to reduce spam. Learn how your comment data is processed.