Желба – Софија Петковска

Прочитајте ја најновата песна којашто е денеска објавена на официјалната фесјбук страна „Поезија на Софија“ од поетесата Софија Петковска.

Ленено платно да избелам,

ко Билјана на охридските извори,

Од бело, побело да биде.

Па од него фустан да сошијам

и така стокмена в чаршија да прошетам,

по тие стари сокаци,

по таа стара калдрма.

В кајче мирно да запловам,

по тие води студени,

за срце в гради да стоплам,

за мир и спокој во душата да најдам.

И од некаде, тебе да те сретнам.

Па да ми испееш една песна љубовна,

онаа добро познатата ,,Во ноќта си месечина”:

,,Ангел ли си од небото,

што си толку убава?

Со твојата слатка уста

да ми шепниш името.”

Па за рака да ме стегнеш цврсто и заедно да кинисаме,

по патеката на животот да врвиме ко два лебеди бели.

И потем,

да застанеме, под едно старо дрво на починка.

И ти на грло да ми редиш бисери.

Бели.

Убави.

А чим ноќта ја покрие земјата,

в меана да седнеме и

со пастрмка да се насладиме.

Со вино в рака за животот да наздравиме,

дур охридските трубадури чалгии ни свират.

Автор: Софија Петковска

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Google photo

You are commenting using your Google account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

Connecting to %s

This site uses Akismet to reduce spam. Learn how your comment data is processed.