Вечна љубов, вечен Охрид

Прочитајте уште една првонаградена песна на конкурсот ,,Охридски бисер на поезијата”, што ни ја испрати поетот Никола Миланоски.

Тука си

заедно го дочекуваме денот што се раѓа

јас потонувам во занес од убавината твоја

што ми припаѓа,

тука е и рајскиот поглед на езерските

Охридски води со своето синило

небаре магија остро се внела

како нешто никогаш не минливо.

Охрид

безвременско е тоа чувство на твојата

топлина

од сите твои храмови со чудесен мир што

ни ја исполнуваат душата во целина,

ниту времето не ја збрчкало твојата

убавина

живее во секое делче на калдрмата,

чаршијата, црквите, бреговите…

живее и во секој од нас свети Климентовата оставина.

Чекориме покрај езерото држејќи се за рака

чувствувајќи го шумолот на ветерот

и трепетот на градот

опивајќи ме одблесокот на твојата

насмевка во езерските води.

Убавино Охридска

тука јас и мојата љубов

гледаме како небото се гали со езерските

води на зајдисонце,

не надлетуваат галебите

од езерото не поздравуваат лебедите

јас вратот ти го украсувам со бисерите

ти ми даруваш од сласта на усните

вулкански врелите.

Автор: Никола Миланоски

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Google photo

You are commenting using your Google account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

Connecting to %s

This site uses Akismet to reduce spam. Learn how your comment data is processed.