На кантар судбата ми ја мереа – Софија Петковска

На кантар судбата ми ја мереа,

ете така лесно,

ко на пазар да сме застанале,

на првата тезга ѝ мериме килограм крушки и килограм јаболки.

Ете така,

судбата моја ја мереа,

небаре нежива природа гледаат.

Небаре слика во музеј гледаат.

Небаре сум предмет.

Но, како ли?

Како се мери, објасни ми,

душата моја невина,

срцето ми кревко,

телото ми младо?

Како ли?

Како ли се мерат

солзите,

насмевките,

воздишките?

Зар може човечката судбина на кантар да ја ставиш?

Зарем толку малку е вреден животот ми?

Зарем срамежливо јаболче сум, откинато од гранката на дрвото покрај патот?

Па ќе го земеш в рака,

ќе ја избришеш прашинката од црното ти одело

и ќе процениш од око дека сум сочно и здраво?

Кажи ми ете, ти,

да, ти,

со его големо колку универзум,

баш тебе ти се обраќам.

Кажи ми ете,

за колку ќе ја процениш

љубовта,

радоста,

здравјето,

надежта?

животот ми?

Ајде,

кога веќе си тргнал на пазар,

земи го кантарот и измери.

Од глава до петици.

Измери ја

мојата интелигенција,

мојата слобода,

мојата основна човечка потреба.

И?

Пронајде ли цена?

М?

Пронајде ли?

Погледни ме длабоко во моите темно кафени очи,

Очи во кои сонцето допрва изгрева,

Очи полни надеж

И кажи ми ја цената.

Но,

те молам,

застани гол,

соголи се од привидната ти љубов и лагата.

Вистината облечи ја.

Боли?

Да, знам дека боли.

Вистината најмногу боли.

Со крстот на челото одам

И крилја од ангел на грбот носам гордо.

И затоа со крената глава и без тронка страв те прашувам

Можеш ли?

За последен пат те прашувам,

можеш ли светецот на кантар да го ставиш?

Софија Петковска

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Google photo

You are commenting using your Google account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

Connecting to %s

This site uses Akismet to reduce spam. Learn how your comment data is processed.