Пишувачки предизвик од „ТРИ“: „Карантински приказни – Антологија на изолацијата“

Од издавачкиот центар „ТРИ“ денес стигна известување во вид на предизвик на кој учество можат да земат сите коишто пишуваат и се изразуваат преку пишаниот збор. Прочитајте ја во продолжение нивната објава каде што детално е објаснето.

Од денес почнуваме со предизвик што го нарековме „Карантински приказни – Антологија на изолацијата“, со кој сакаме да ги поттикнеме и собереме најоригиналните и најинтересни раскази настанати во ова тешко време што сме принудени да го поминеме во изолација и дружење најмногу со себе и сопствените мисли.

Во овој период на лоши вести, на социјално дистанцирање и почитување на разно-разните препораки, покрај читањето, голема смисла на нашето секојдневје му дава и пишувањето – како еден од начините да се справиме со големата промена, но и да создадеме траен запис за еден од најдраматичните периоди од нашите животи. „КАРАНТИНСКИ ПРИКАЗНИ – Антологија на изолацијата“ е хроника што од денес ја создаваме заедно, со кратки раскази што ги очекуваме од секој од вас што во овие моменти наоѓа инспирација и сила за пишување.

Најдобрите раскази од предизвикот ќе ги објавиме во издание што ќе остане како антологија да сведочи за бурниот – на моменти и нереален – период кој се надеваме дека набрзо ќе заврши и дека никогаш нема да ни се повтори.

Ги охрабруваме сите пишувачи – искусни и неискусни – да земат учество во нашиот предизвик и да ни праќаат раскази на темата, без ограничување во однос на стилот и обемот. Сите пристигнати творби ќе бидат внимателно прочитани од нашата Редакција и, се надеваме, во поголем број објавени во една книга. За авторите на најдобрите раскази постои можност за подолгорочна соработка со ТРИ.

Наострете ги моливите – ги очекуваме вашите раскази до крајот на април!

Праќајте ни ги на redakcija@kniga.mk

стои на официјалната објава на нивниот Инстаграм профил

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Google photo

You are commenting using your Google account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

Connecting to %s

This site uses Akismet to reduce spam. Learn how your comment data is processed.