Медитеранска – Јована Јаневска

Би те љубела

како што го љубам Јадранот,

со сета животна радост

која како солени бранови

удира во коскиве.

Би те љубела со сјајот на зелени очи

вљубени во старите јадрански куќи,

во големите бели,

ширум отворени прозорци како душа на зајдисонце,

во високите црногорски порти низ чиј камен се плетат ноќници и леандри.

Би те љубела

како што го љубам Јадранот,

бескрајно и необјасниво,

со сигурност за повторно враќање.

Би те љубела со жарот на црвеното сонце,

со јачина на солта која ти ги разорува и

шири градите небаре се едра на мал дрвен и несигурен брод,

кој плови сам наспроти бесните тиркизни води.

Би те љубела во боја,

во боја на зелените смарагди,

на црвените залези,

на мозаичните фенери,

на сините бродови,

на портокаловите улични мачори,

во боја на перјата од лебедот кога со крилјата го пресекува зракот.

Би те љубела со страст на боем,

чии очи се полни бродоломи и занес.

Би те љубела низ музика на стари приморски свирачи,

кои се вечни заедно со звукот на виолината и летните ноќи.

Би те љубела сигурно како летот на галебот,

нешто слично како љубовта меѓу рибарот и морето,

како заветот на карпите и вечноста,

како долго посакуваната ладовина на маслиновите дрвја.

Би те љубела со очи на стар уличен уметник,

набљудувајќи и сакајќи го секој кварт од твојата душа,

боејќи ја со топло жолта боја твојата темнина,

не ставајќи рамка околу она што го гледам.

Би те љубела секој ден,

од изгрејсонце до зајдисонце,

ветувајќи и верувајќи во вечност,

вечност како Јадранот.

Автор: Јована Јаневска

Advertisements

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Google photo

You are commenting using your Google account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

Connecting to %s

This site uses Akismet to reduce spam. Learn how your comment data is processed.