Мисли

Постојат мисли – коњи,
црни пастуви кои
трчаат низ душава
како низ зрело жито.

Постојат мисли – бранови,
Кои исфрлаат стари
слики и копнежи,
за да потоа повторно се повлечат
во длабочините на несвесното.

Постојат мисли – ветришта,
кои во налетот на лутина
одвејуваат бесмислени горчини.

Постојат мисли – скитници,
постојат мисли – номади,
чиј дом е смислата
која никогаш не ја наоѓаат.

Постојат мисли – трагачи
оние на кои сонот
им е непријател,
оние кои будат среде ноќ
за да добијат запис,
оние пред кои секој закон има пукнатина
и секоја вистина опачина.

Постојат мисли – реки
брзи и бистри,
оние од кои извира
животната сила.
И доброто.
Ако ги имаш радувај се
и моли се никогаш да не пресуши
изворот на животната радост.

Постојат мисли – кафези,
кои пред очите градат ѕидови.
И мисли робови,
чие бегство е
неизбежно.

Постојат мисли – пролетни дождови,
кои измиваат во тишина,
како дождот прозорците,
за да повторно влегува светлина
низ пукнатините на душата.

Автор: Јована Јаневска

Advertisements

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Промени )

Google photo

You are commenting using your Google account. Log Out /  Промени )

Twitter слика

You are commenting using your Twitter account. Log Out /  Промени )

Facebook photo

You are commenting using your Facebook account. Log Out /  Промени )

Connecting to %s

This site uses Akismet to reduce spam. Learn how your comment data is processed.