Љубовта кон книжарниците и книгите постои со векови и се чини дека многу работи можат да се сменат, но тоа не.

Со појавата на е-читачите и популарноста на веб-страните за продавање книги, се појави стравот дека книжарниците и книгите со корици полека го губат својот примат и дека со текот на време ќе ги снема. Но, оваа година книгите со корици се вратија на врвот, а и книжарниците ширум светот имаа пораст на продажбите. Кон крајот на 2015 година, дури и Амазон отвори физичка книжарница за прв пат во својата историја.

Тоа само покажува дека во суштина луѓето не се менуваат многу, а ова ретро видео од 1946 година, насловено како „Љубител на книги“, совршено покажува зошто книжарниците ни се толку важни. Можеби поминале 70 години од ова видео, технологијата ужасно многу е напредната, но се што ќе видите во видеото е нешто во коешто сите ќе се пронајдеме…